Баткенде айрым тургундар түндө көчөгө төшөк салып жатышканын билдиришти. Бул тууралуу Баткен облусунун тургуну Сарвар Турдибоев Facebook баракчасына жазды.

Анда ал Баткендеги кырдаалга байланыштуу ар кандай талап-тоноолордон коргонуп түндө көчөгө төшөк салып уктаганын айтып, сүрөт жүктөдү. 

--"Үйүбүздү тажикстандык марадерлордон коргоп, көчөдө түнөгөнгө дуушар болдук. Ак төшөктө жаткан менмин, үйдүн алдында уктадым", - деп жазган Баткен облусунун тургуну. 

Кошумчалай кетсек, чек арадагы окуяда Баткен жана Лейлек районундагы бир топ айылдагы үйлөрдү тажиктер өрттөп, талкалап кетишкен. Ал жердеги кыргызстындык жашоочулар үй-жайсыз калышкан. 

Булак: NazarNews.kg