Өзгөчө кырдаалдар министрлиги Кыргыз Республикасынын президенти Садыр Жапаровдун Максат жана Арка айылдарындагы тажиктердин кол салуусунан жабыркаган үйлөрдө тартипти орнотуу боюнча тапшырмасын аткарды. Бул тууралуу маалыматты аталган мекеменин басма сөз кызматы билдирди.

Маалымат боюнча бузулган үйлөрдү тазалоо иштерине 305 куткаруучу жана 35 техника тартылган.

136 үй тазаланып, курулуштун кийинки этабына даярдалды. 32 мобилдик үй, 61 чатыр тигилди, 1919,61 тонна гуманитардык жардам кабыл алынып, муктаждарга жеткирүү иштери уюштурулууда.

Ошондой эле тазалоо иштерине катышкан адамдар өз үйлөрүнө кайтышканын басма сөз кызматы кошумчалады.

Булак: NazarNews.kg