«Баткенди өнүктүрүү – өлкөнү өнүктүрүү» инвестициялык форумунда бир нече документке кол коюлду
Саясат  |   |  809

Баткен шаарында «Баткенди өнүктүрүү – өлкөнү өнүктүрүү» инвестициялык форуму өттү. Бул тууралуу министрлер кабинетинин басма сөз кызматы билдирет. Иш-чарага министрлер кабинетинин төрагасы Акылбек Жапаров, мамлекеттик органдардын жетекчилери, эл аралык уюмдардын, дипломатиялык корпустун, бизнестин, бизнес-омбудсмен институтунун өкүлдөрү катышты.

Форум – Баткен облусунда жогорку деңгээлде өтүп жаткан алгачкы иш-чара, анын максаты - облустун ишкерлик потенциалын ачуу, инвестициялык мүмкүнчүлүктөрүн көрсөтүү, аймакка инвестиция тартуу, өз кезегинде бул жергиликтүү калктын жашоо сапатын жакшыртууга шарт түзөт.

Бул форум Баткен облусунун социалдык-экономикалык өнүгүүсүнүн актуалдуу маселелерин талкуулоо аянтчасы катары гана кызмат кылбастан, ошондой эле, маанилүү макулдашууларга жетишүүгө мүмкүндүк берди. Форум ишинин жыйынтыгы боюнча төмөнкү документтерге кол коюлду:

– Президенттин Баткен облусундагы ыйгарым укуктуу өкүлчүлүгү менен «Ихсан Азия Глобал Строй Ипотекалык Компаниясы» ачык акционердик коомунун ортосундагы кызматташуу жөнүндө меморандум;

– Президенттин Баткен облусундагы ыйгарым укуктуу өкүлчүлүгү менен «МЕГА ДЖЕК» жоопкерчилиги чектелген коому ортосундагы 4 багыт боюнча кызматташуу жөнүндөгү меморандум:

1) «Лейлек районунун Арка айылында парк зонасынын курулушу» долбоору;

2) «Лейлек районунун Арка айылында логистикалык борбордун курулушу» долбоору;

3) «Баткен шаарындагы мейманкананын курулушу» долбоору;

4) Кызыл-Кыя шаарындагы парк зонасын реконструкциялоо долбоору;

– Президенттин Баткен облусундагы ыйгарым укуктуу өкүлчүлүгү менен «Ак-Буура групп» жоопкерчилиги чектелген коому ортосундагы кызматташуу жөнүндө меморандум;

– Кыргыз Республикасынын Инвестициялар министрлиги менен «Шампанвинкомбинат» жоопкерчилиги чектелген коому ортосундагы кызматташуу жөнүндөгү меморандум;

– Кыргыз Республикасынын Инвестициялар министрлигине караштуу "Мамлекеттик-жеке өнөктөштүк борбору" мамлекеттик мекемеси, Лейлек районунун Сүмбүл айыл аймагынын жергиликтүү өз алдынча башкаруу органы жана «Т.Ибрагимов» жоопкерчилиги чектелген коому ортосундагы мамлекеттик-жеке өнөктөштүк долбоорун даярдоо боюнча өз ара түшүнүшүү жана кызматташтык жөнүндө меморандум;

– Баткен мэриясы жана Түркиянын Палаталар жана товардык биржа союзунун ортосундагы өз ара түшүнүшүү жөнүндө меморандум;

– Президенттин Баткен облусундагы ыйгарым укуктуу өкүлчүлүгү, Кадамжай райондук мамлекеттик администрациясы жана NEFTAN компаниясы ортосундагы агроөнөр жай паркын түзүү жөнүндө өз ара түшүнүшүү жөнүндө меморандум;

– Айыл, суу чарба жана аймактарды өнүктүрүү министрлиги, президенттин Баткен облусундагы ыйгарым укуктуу өкүлчүлүгү жана «Mak Fidanchilik» компаниясы ортосунда Баткен облусун сапаттуу көчөттөр менен камсыздоо боюнча өз ара түшүнүшүү жөнүндө меморандум.

Ошондой эле, коноктор үчүн айыл чарба көргөзмөсү уюштурулуп, анда Баткен облусунда өндүрүлгөн продукциянын бардык түрү сунушталды.

Булак: NazarNews.kg

Поделитесь с друзьями