www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Билим берүү жана илим министри Алмазбек Бейшеналиев Кембридж университетинин билим берүү боюнча улук кеңешчиси Стив Кинг менен онлайн жолукту. Бул тууралуу аталган министрликтин басма сөз кызматынан билдиришти.
Маалыматка ылайык, тараптар Кыргыз Республикасынын учурдагы билим берүү тутумун талкуулашты. Анын ичинде Дүйнөлүк Банк жана Азия Өнүктүрүү Банкы тарабынан Кыргыз Республикасында ишке ашырылып жаткан билим берүү долбоорлору, ошондой эле коңшу өлкөлөрдөгү Кембридж Университетинин ишмердүүлүгү жана аталган университеттин Кыргыз Республикасында иштөөгө даяр экендиги талкууланды.
Стив Кинг Кыргыз Республикасында билим берүүнүн сапатын баалоо жаатында кызматташууну жана министрликке кызматташуу мүмкүнчүлүктөрү жөнүндө кеңири маалымат жөнөтүүнү сунуштады.
Алмазбек Бейшеналиев Кыргыз Республикасынын билим берүү системасына болгон кызыгуу үчүн ыраазычылык билдирип, Кыргыз Республикасында билим берүүнүн сапатын жогорулатууга багытталган демилгени кубаттады.
Жолугушуунун жыйынтыгында тараптар Кембридж университети тарабынан студенттерге сертификат берүүнү киргизүү мүмкүнчүлүгүн карап көрүүнү макулдашышты.
Булак: NazarNews.kg
< Предыдущий
Следующий >
Последние новости
