NazarNews маалымат агенттиги Азимжан Аскаровдун туугандары кыргыздар  көрүн казып салат деп кооптонуп,  Өзбекстандан  жер сурап  жатышканы боюнча айрым инсандарга кайрылып, чын эле  Аскаровдун туугандары кооптонгудай жагдай орун алышы мүмкүнбү?- деген суроо узаттык.

-Антип  кооптонбой  деле койсо болот. Эл каза  болгон адамга андай мамиле жасабайт. Биздин салтта сөөгүн казып  чыгарып салмак турсун дүйнөдөн өткөн кишини жамандабайт. Балким,  туугандары тирүү кезинде айткан керээзин аткарууга аракет кылып жатышкандыр. Мүмкүн  туугандарынын жанына жатайын дегендир. Жаткан жери жайлуу, топурагы торко болсун. Бардыгы жараткандын колунда.  Бардыгыбыз кудайдын колундабыз. Өлүмдөн саясат жасабаш керек. Өлүм ар бир адамдын башына келет.

Айрым жергиликтүү ЖМКларда Азимжан Аскаровдун сөөгүн жерге берүү тууралуу ар кандай талкуу болууда. 

Булак: NazarNews.kg