- Бектур мырза, саясат айдыңынан көрүнбөй калдыңыз?

- Саясат айдыңында эле жүрөбүз. Албетте, эл аралап жүргөн адам катары прессадан чыгып калсаң, «бар экен» деп коюшат. Бир аз көрүнбөй калсаң, «эмнеге жок болуп кеттиң?» дешет. Бул эми табыгый көрүнүш эмеспи.

- «Элдик парламент» түзөбүз дегендей кылып жаттыңар эле...

- «Элдик парламент» боюнча сүйлөшүүлөр болуп жатат. Менин оюмча, эки жуманын тегерегинде өз ишин баштап калат деген ойдомун.

- Оппозициялык маанайда иш алып барасыңарбы?

- Эми сөзсүз түрдө эле ыгы жок сын-пикир айтуу менен эмес. Болгону бийликке каршы альтернативалуу аянтча болуш керек. Буюрса түзөбүз. А жерде саясат айдыңында жүргөн коомдук ишмерлер, инсандар кирип, катышабыз (!) деген ойлорун билдиришкен.

Дагы бир жолу айтып коёюн, «Элдик парламент» бийликке «таза, эффективдүү кызмат кылсын» деген сөзүн айтып, коңгуроо кагып, иш алпарышы керек...

Булак: Азия News гезити