Беларусиянын борбору Минскиде 18-октябрда кезектеги нааразычылык акциясы өткөн. Ал учурда тартылган сүрөттөрдү Tut.by сайты жарыялады.

Митингге чыккан миңдеген адамдардын арасында кыргыздын улуттук баш кийими болгон "Бакай калпак" кийген эркек кишинин сүрөтү тарады. 

Белгилей кетсек, Минскидеги нааразычылык акциясынын бүгүн 71-күнү болду.

Эске салсак, Беларуста 9-августтагы талаштуу президенттик шайлоодон бери нааразычылык акциялары токтобой келатат. Александр Лукашенко бул шайлоону жеңгенин билдиргени менен бир катар Батыш өлкөлөрү жана беларус оппозициясы мындай жыйынтыкты тааныган жок.

Булак: NazarNews.kg