Учурда «Ишеним», «Ата-Журт Кыргызстан», «Ынтымак», «Мекенчил Эл», «Ыйман Нуру» сыяктуу партиялар бийликчил аталып, каражаттары калын экени канкууланууда. Чылгый аттуу-баштуулар, алардын балдары, олигархтар топтолуп жатканы ыраспы?

«Шамал болбосо чеңөптүн башы кыймылдабайт» дегендей, аталган партияларга үлкөндөр, байлар топтолсо, аягын кандай элестетебиз? Административдик ресурс колдонулбай, добуш сатылбасына ишеним барбы? Жергиликтүү бийликтерди тыйып, тартипке чакырса, ал эми таза добуш алууну кантип элестетебиз?

Былтыркы «Биримдик», «Мекеним Кыргызстандын» тагдырын кайталап калышпагай эле... Ким билет? Жогорку төбөлдөр атайын бата берип коюшуп, бүтүндөй байларды, экс-чиновниктерди «аңга түртүшкөнү» жатышабы?

Люстрациянын дал ушундай жаңы ыкмасы жасалып жүрбөсүн? Албетте, олуттуу суроолор жаралууда. Саясаттын миң сайы бар...

Булак: Азия News гезити