www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Камактагы саясат талдоочу, журналист Айданбек Акматов ачкачылык жарыялады. Бул тууралуу маалымат анын Фейсбуктагы баракчасына жарыяланды.
Маалыматка караганда, Акматов 16-декабрдан бери ачкачылык кармоону улантууда.
"Мага “Кемпир-Абадды коргоо комитетинин” мүчөсү Айданбек Акматовго “бийликти күч менен басып алуу аракети” боюнча кылмыш иштин козголушун жана камакка алууну ашынган саясий куугунтук жана чектен чыккан өзүм билемдик, мыйзамсыздык деп эсептейм. Бир эле адам тергөөчү, прокурор, сот болуп калганда мыйзамдар, адам укуктары өтө одоно түрдө бузулуп, 70тен ашкан улгайган аялдан, жаш жигиттерге чейин эч бир негизсиз камакка алуу, себепсиз абакта кармоо жүрүп жатат. Тергөөчү, прокурор, соттор жүйөөлөрдү укпайт. Бир адамдай жогорудан түшкөн буйрукту аткарышат. Мындай шартта саясий ачкачылык жарыялоодон башка арга жок. Эл аралык коомчулук, кыргыз калкы бизге карата болуп жаткан саясий куугунтукту, мыйзамсыздыкты билсин. Саясий ачкачылык учурундагы өмүрүмө, ден-соолугума коопсуздук, үй-бүлөөмдүн келечеги үчүн жоопкерчилик бийлик абийринде болот", - деп жазган ал катта.
Буга чейин өлкө башчы Садыр Жапаров 17-декабрда «Кабар» агенттигине Кемпир-Абад, камалгандар боюнча маек берип, жапырт камалгандардын ишине тиешеси жоктугун билдирген.
Булак: NazarNews.kg
< Предыдущий
Следующий >
Последние новости
