Бир сутка ичинде өлкө боюнча медициналык 43 кызматкерден коронавирус инфекциясы табылды. Бул тууралуу онлайн брифинг учурунда саламаттыкты сактоо министринин орун басары Мадамин Каратаев билдирди.

Илдет аныкталган дарыгерлердин ичинен:
• Бишкек шаарында – 19;
• Чүй облусунда – 7;
• Ош шаарында – 7;
• Ош облусунда – 3;
• Нарын облусунда – 2;
• Баткен облусунда – 1;
• Ысык-Көл облусунда – 4.

Ал эми бир суткада 11 медициналык кызматкер ооруканалардан айыгып чыкты. Жалпысынан республика боюнча COVID-19 диагнозу 712 медкызматкерге коюлду. Алардын ичинен 414 медкызматкер стационарлардан айыгып чыккан.

Булак: NazarNews.kg