Бишкек шаарында 44 көчөгө ремонт иштери жүргүзүлүп жатканы кабарланган. Негизинен мурдагы мэр Азиз Суракматовдун баштаган долбоорлору, кийин да кошумчаланганы менен иш уланып келет. Буга чейин башкалааны аз убакыт жетектеп калган Бакыт Кудайбергенов өзүн көрсөтө албай, кайдыгер жүрүшүнүн кесепетинен ремонт создугуп, чар жайыттык орун алган эле.

Учурдагы мэр Айбек Жунушалиев Бишкек шаарын ыраатка салып, ыкчам кызматын көрсөтпөсө, элдин нааразычылыгы бат эле оргуп чыгат.

Андыктан, дагы убакыт бар. Тазалыкты, көрктөндүрүүнү колго алып, ошого катар социалдык-экономикалык көйгөйлөрдү чечүүнүн жолун табыш керек. Иштей турган жетекчи алгачкы күндөрүндө эле камчы салдырбай кетет эмеспи. Көрө жаталы...

Булак: Азия News гезити