Шаар куруу жана архитектура департаментинин Бишкек шаары боюнча башкармалыгын үй сатуу тууралуу жарыя тактасынын жаңы бирдиктүү эскиздик долбоорун иштеп чыкты.

Башкармалыктан билдиришкендей, жаңы демилгенин негизги максаты — Бишкектеги бирдиктүү визуалдык стилди камсыз кылуу.

Долбоор колдонуудагы дизайн-коддун белгиленген талаптарына ылайык даярдалып, Бишкек шаарынын аймагына бирдиктүү үлгү катары киргизүү сунушталууда. 

Белгилей кетсек, бул үлгү жеке турак жай курулуш объектилерине гана колдонулат.

Долбоорго ылайык маалыматтык тактанын өлчөмдөрү төмөндөгүдөй:

* Узундугу — 700 мм;

* Бийиктиги — 400 мм;

* Калыңдыгы — колдонулуучу материалга жараша орточо 3–5 мм.

Мындай өлчөмдөр маалыматтын алыстан да так окулушун жана жакшы кабыл алынышын камсыздайт.

Маалыматтык тактаны даярдоодо төмөнкү материалды колдонуу сунушталат:

* Акрил — жеңил, бекем жана аба ырайынын таасирлерине туруктуу материал.

Бул материал күндүн нуруна, жаан-чачынга жана шамалга туруктуу болуп, узак мөөнөт пайдаланууга ылайыктуу.

Маалыматтык тактанын түс гаммасы заманбап шаардык талаптарга ылайык аныкталган:

* Негизги фон — кочкул көк түс (Артикул-13741 / RGB 40, 52, 103);

* Жазуулар — ак түс (RAL 9003 / RGB 238, 238, 236).

Түстөрдү тандоодо басма үлгүсүнө эмес, RGB жана RAL көрсөткүчтөрүнө таянуу сунушталат.

Колдонулуучу шрифт:

* Bahnschrift.

Негизги жазуу:

“ҮЙ САТЫЛАТ” — тактанын борбордук бөлүгүнө баш тамгалар менен жайгаштырылат.

Кошумча маалымат:

* Байланыш телефону жана объект тууралуу кыскача маалымат тактанын төмөнкү бөлүгүндө көрсөтүлөт.

Зарыл болгон учурда орус тилиндеги:

“ПРОДАЕТСЯ ДОМ” деген жазуу кошумча жайгаштырылышы мүмкүн.

Маалыматтык тактаны орнотууда төмөнкү талаптар сакталууга тийиш:

* Үйдүн фасадына же тосмосуна орнотулат;

* Жакшы көрүнгөн жерге жайгаштырылат;

* Жерден болжол менен 1,5–2,5 метр бийиктикте илинет;

Бул талаптар маалыматтык тактанын максималдуу деңгээлде көрүнүүсүн камсыздайт.