www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Бишкекте 28-майдан тарта август айынын аягына чейин жүк ташуучу унаалардын жүрүүсүнө чектөө киргизилерин Ленин районунун тургундары менен жолугушууда мэриянын Муниципалдык инспекциясынын башчысы Мирлан Таалайбеков билдирди.
Шаар тургуну Кум-Арык көчөсү 2024-жылы асфальтталганын, бирок учурда оор жүк ташуучу унаалар аны бузуп жатканын кабарлады. Анын айтымында, жол белгилерине жана 40 км/саат ылдамдык чектөөсүнө карабастан, жүк ташуучу транспорттор каттап, жаңы төшөлгөн асфальтты бүлүндүрүүдө.
Мирлан Таалайбеков жай мезгилинде жүк ташуучу унаалардын кыймылын чектөө каралып жатканын маалымдады.
«28-майдан тартып Жол кайгуул кызматы менен биргеликте рейддик иш-чаралар башталат. Абанын температурасы 28 градустан жогору болгондо жүк ташуучу транспорттордун кыймылы чектелет, анткени ысыкта асфальт бат бузулат. Бул чаралар августтун аягына чейин күчүндө болот», - деди ал.
Президент Садыр Жапаровдун тапшырмасы менен өлкө аймактарында облус жетекчилеринин, шаар мэрлеринин, райондук мамлекеттик администрациялардын башчыларынын, прокуратура, ички иштер жана жергиликтүү өз алдынча башкаруу органдарынын өкүлдөрүнүн катышуусунда жолугушуулар өтүүдө.
< Предыдущий
Последние новости
