Бишкекте премьер-министрдин кызмат ордуна эки талапкердин – экс-депутат Садыр Жапаровдун жана “Ата Мекен” партиясынан талапкерлигин койгон Тилек Токтогазиевдин тарапкерлеринин ортосунда митинг уланууда.

Садыр Жапаровдун тарапташтары алдыга чыгып сөз сүйлөдү.

“Садыр Жапаровго жок дегенде бир-эки ай иштөөгө мүмкүнчүлүк бериңиз, анткени ал мындай каалоосун билдирген”, – деди анын тарапташтарынын бири митингдин катышуучуларына кайрылып.

Белгилей кетсек, бүгүн, 7-октябрда өкмөт үйүндө жаңы убактылуу премьер-министрди шайлоо боюнча жыйын өтүүдө. Жыйынга “Чоң Казат”, “Ата Мекен”, “Замандаш” партиясынан өкүлдөр катышууда.

Булак: NazarNews.kg