Бишкек шаарында бүгун, 1-сентябрь күнү “Таза шайлоо үчүн” деген аталышта тынчтык акциясын өткөрүү пландалууда. Аны “Баштан башта” кыймылы Жогорку соттун имаратынын алдында түштөн кийин өткөрөт. Бул тууралуу “Азаттык” радиосу жазды.

Кыймылдын лидери Улан Үсөйүн билдиргендей, алар 4-октябрдагы парламенттик шайлоону таза уюштурууну бийликтен талап кылышат.

29-августта “Таза шайлоо үчүн” коалициясы түзүлүп, ага жарандык активисттер, коомдук уюмдар жана бир катар саясий партиялар кирген. Алар саясий өнөктүктө жарандык көзөмөлдүн зарылдыгын белгилешүүдө.

Булак: NazarNews.kg