Борбор калаанын бийлиги бир катар долбоорлорду иштеп чыгууда.

Бишкек шаарын өнүктүрүү жана инвестиция тартуу агенттиги шаардыктардын назарына шаарды өнүктүрүүгө багытталган бир нече долбоорлорду сунуштады. Бул тууралуу мэриянын маалымат кызматы билдирди.

Алардын бири тез жүрүүчү автобустарды киргизүү болуп саналат.

BRT (Bus Rapid Transit) - кадимки автобус каттамдарына караганда жогорку өндүрүмдүүлүк менен мүнөздөлгөн автобус байланышын уюштуруу ыкмасы (ылдамдык, ишенимдүүлүк, өткөрүү жөндөмдүүлүгү), кээ бир жагынан, тез транзиттик автобус системалары жеңил рельс системалары менен салыштырууга болот.

Долбоордун максаттары жана милдеттери: шаардын түштүк бөлүгүн Бишкек шаарынын борбору менен байланыштыруу. Мындан тышкары, BRT (Bus Rapid Transit) системасы Бишкектин турак жай райондорун шаардын борбору менен байланыштырат.

Коомдук транспорт үчүн атайын тилкелерди түзүүнүн артыкчылыктары:

Үнөмдөө: система темир жол транспорт тутуму сыяктуу ыңгайлуу жана натыйжалуу, бирок каржылык ресурстарды кыйла аз талап кылат.

Мейкиндикти үнөмдөө: 50 жүргүнчүсү бар автобус 1-2 жүргүнчүсү бар 15 унаага караганда 8-10 эсе аз орун ээлейт. Автобус шаардык мейкиндикти үнөмдөйт!

Экология: автобустар айлана-чөйрөнү булгабаган газ менен жүрүүсү пландаштырылат.

Шаардын имиджи: тез, ыңгайлуу жана үнөмдүү шаардык мобилдүүлүктүн муктаждыктарына жооп берген жогорку сапаттагы автобустарга негизделген транспорт системасы!

Коопсуздук: атайын тилкелер башка унаалар менен байланышпайт, бул автобус кырсыктарынын пайызынын азаюусуна таасирин тийгизет!

Ал эми учурдагы коомдук транспорттун көйгөйлөрү төмөндөгүлөр болуп саналат:

Негизги көчөлөрдөгү тыгындар;

Абанын булганышы;

Жол-транспорт кырсыктары (жол кырсыктары);

Коомчулуктун сезимин жоготуу.

1-этаптагы кыймыл схемасы

1-Этап түштүк зонаны Токомбаев проспектиси боюнча Москва көчөсү менен Киев көчөсүн бойлой кеткен Жукеев Пудовкин (Ибраимов) көчөсү боюнча шаардын борбору менен байланыштырууну сунуш кылат. Узундугу 17,5 км, 50 аялдама.

2-этптагы кыймыл схемасы

2-Этап Токомбаев проспектиси боюнча Чортеков көчөсү, Гагарин көчөсү, Д.Садырбаев көчөсү боюнча Жаш Гвардия бульвары жана Түндүк айланма жолдо "Дордой" базарына чейин уланган шаардын Түштүк жана Батыш кичи райондорун бириктирүүнү карайт. Узундугу 29,0 км, 80 аялдама.

Белгиленген тилкеде иштеген автобустардын негизги айырмачылыгы, белгиленген тилкелер үзгүлтүксүз толук линияны түзүп, аялдамаларда эмес, турникеттер аркылуу атайын терминалдардан кирип-чыгышат.

Булак: NazarNews.kg