Өзгөчө кырдаалдар министрлиги Бишкектин борборунда курулуп жаткан көп кабаттуу үйдөн чыккан өрттүн алдын ала себебин атады.

«Алдын ала маалыматтар боюнча, көп кабаттуу үйдүн 14-кабатындагы өрт курулуш материалдарынын кароосуз калганынан улам келип чыккан», — деп айтылат министрликтин маалыматында.

Маалым болгондой, өрт саат 21:44тө чектөөгө алынып, саат 23:45те толугу менен өчүрүлгөн. Өрттү өчүрүүгө 45 куткаруучу, 7 өрт өчүрүүчү бөлүм жана 30дан ашык өрт өчүрүүчүлөр тартылган.

Эске салсак, кечээ, 2-августта Бишкектин Манас проспектиси жана Рыскулов көчөлөрүнүн кесилишинде курулуп жаткан көп кабаттуу үйдөн өрт чыккан.

Булак: NazarNews.kg