Бишкек шаарынын мэриясында кадрдык өзгөрүүлөр болду. Бул тууралуу муниципалитеттин басма сөз кызматынан билдирди.

Маалыматка ылайык, "Бишкек шаарындагы ритуалдык кызмат көрсөтүү агенттиги" МИнын директору болуп Кубанычбек Усупбаев дайындалды, ал буга чейин аталган ишканада башкы инженер болуп эмгектенген.

Ал эми Сүйөркул Раев ишкананын башкы инженери болуп дайындалды, ал буга чейин "Бишкек шаарындагы ритуалдык кызмат көрсөтүү агенттиги" ишканасында башкы экономист, андан кийин өндүрүш бөлүмүнүн башчысы болгон.

Мэриядан кошумчалашкандай, тиешелүү буйрукка калаа башчысы Азиз Суракматов кол койгон.

Булак: NazarNews.kg