Кечээ, 12-ноябрда Улуттук банк 26,8 миллион доллар өлчөмүндө валюта интервенциясын ишке ашырды. Бул тууралуу Улуттук банк билдирет.

Бул жыл башынан бери 16-жолу, ал эми ноябрь айында болгон биринчи интервенция.

Белгилей кетсек, доллар экинчи айдан бери кескин көтөрүлүп жатат. Валюта базарындагы олку-солкулукту жөнгө салуу үчүн Улуттук банк рекорддук суммасы 42,4 миллион долларды сатышы керек болчу. Бул акыркы жарым жылдагы эң ири интервенция. Бирок жуманын башында ал кайрадан кескин өсө баштады, эки күндүн ичинде 2,5 сомго кымбаттады. Кийинчерээк валюта курсу бир аз турукташкан, бирок дем алыш күнү кайрадан 84,5 сомго көтөрүлдү. Ошол эле учурда евро 100 сомдук чектен ашып кетти. Бир күн мурун курс кайрадан жогорулап, 84,9 сомго жеткен.

Булак: NazarNews.kg