Бишкекке жаңы мэр дайындалды, бирок Ошту борбор кылабыз деген жарандар аз эмес. Бир учурда аларды колдоп азыркы премьер –министр Садыр Жапаров: “Борборду Ошко көчүрөбүз” деп  видеого чыгып коюптур. Юлдуз Усмановага окшогон ашыналар Бишкек чоң кыштак дешип, тийише калышат, талкаланып турса да Бишкек биз сыймыктанган борбор. Ал эми Садыр Жапаров видеодон айтыптыр деп борборду Ошко көчүрө турган болсок Юлдуз Усманова Ошту эмнеге теңейт болду экен.

Кыргыз элин байыркы эл деп келе жатабыз. Арийне, эки суунун ортосу Мавеннахрда да байыртан эл жашап келатат. Чыңгызхандан кылычына Самаркан, Бухара, Нукус сыяктуу көптөгөн шаарлар дуушар болгон. Бул жакта Искандер Зулпукарнайн  сыяктуулар басып кирип гректерин таштап кеткен. Арабдар халифат уюштурганда Кытай менен Таласта тирешип, экөө эки жакка качып жок болушкан. Бирок, Мавеннахрда арабдар кала берген. Ушул курама элдер миңдеген жылдар Орто Азиянын чордонунда жашап келген. Качан Дешти-Кыпчактан Өзбек хан басып кирип бул мейкиндикти өз карамагына алгыча. Өзбек хандын тукуму Бабур айткан “Биздин ак калпагыбыз азыркы элге жакпайт, биздин бийлигибиз жакпайт” -деп Индияга өтүп кетип өзүнчө мамлекет курган. Учурда Бабурду өзбек калкы ыйык тутат, а биз кыргыздар Сулайман тоосун ардактаган анын таятасы Жунуска да. Бабурга да көп маани бербейбиз. Ислам Каримов бийликте турганда Юлдуз Усманованы АКШга айдап жиберген. Юлдуз дүйнөлүк ырчы, бир гана жөн жүрбөй Бишкек чоң кыштак, чатактуу кыштак деген ойлорун интернеттен  бөлүшө калат. Бишкек-Кыргызстандын борбору, кыштакты борбор кылгандар деле бар. Бирок Бишкек миллиондорду батырып келатат. Азырынча борборду Ошко көчүрүү туура эмес, эмне себептен экенин эмкиде жазам.

Азизбек КЕЛДИБЕКОВ, NazarNews.kg