Бүгүн, 10-февралда Бишкек шаардык мэриянын алдына 50дөй адам чогулуп, жаңы мэрдин милдетин аткаруучу болуп дайындалган Бактыбек Кудайбергеновго каршылыгын билдиришүүдө.

Митингге чыккандар өздөрү туура көргөн талапкерлерин сунушташууда. Алар «Мекенчил» партиясынын кандидаты Руслан Тагаевди туура көрүп жаткандыгын билдиришүүдө.

Белгилей кетсек, бүгүн эртең менен мэрияга жаңы башчы катары Бактыбек Кудайбергенов дайындалган.

Ал эми шаардыктар сунуштап жаткан Руслан Тагаев буга чейин өкмөткө караштуу Архитектура, курулуш жана турак-жай коммуналдык чарба мамлекеттик агенттигинин директорунун орун басары болуп иштеген. Ал «Мекенчил» партиясынан талапкер.

Булак: NazarNews.kg