Улуу Британиядагы айрым үй-бүлөлөр азык-түлүктүн кымбаттыгынан улам жаныбарлардын азыгы менен тамактанууга аргасыз, деди Кардиффтин коомдук тамактануу бөлүмүнүн кызматкери Марк Сид.

Сид ВВСге: "Бизде үй жаныбарларынын тамак-ашын жеген адамдар бар экени мени абдан таң калдырды", - деди.

Кошумчалай кетсек, кээ бир британдыктар тамак-ашты жылыткычтын же шамдын жардамы менен жылытууга аргасыз болушууда. Марк Сид британдыктарга жетиштүү айлык төлөнбөй жатат, ошондуктан жарандар негизги керектөөлөрдү сатып ала албайт деп эсептейт.

Улуу Британияда инфляция акыркы 41 жылдын эң жогорку чегине жетип, 11,1%ды түздү. Эксперттердин айтымында, жакынкы эки жылда британиялыктардын орточо сатып алуу жөндөмдүүлүгү 6,2% төмөндөйт.

Мурдараак маалымдалгандай, келерки жылдын январь айынан баштап электр энергиясы үчүн төлөмдөр көбөйүп, жылына төрт миң фунт стерлингден ашуусу күтүлүүдө. Эксперттердин айтымында, бул кадам "миллиондогон адамдарды жакырчылыкка батырышы мүмкүн".

Булак: NazarNews.kg