Улуттук коопсуздук боюнча мамлекеттик комитеттин мурдагы башчысы Абдил Сегизбаев бүгүн, 27-январда Биринчи май РИИБге жеткирилди. Анын баш коргоо чарасы каралат.

Маалым болгондой, Абдил Сегизбаев 25-январда суракка чакырылып, андан кийин убактылуу камакка алынган.

Белгилей кетсек, буга чейин Абдил Сегизбаев убактылуу кармоочу жайдан үй-бүлөсүнө кат жолдогон.

«Салам, Айнура! Бардыгына салам айт. Сарсанаа болбогула. Баары Кудайдын колунда. Балдарды өөп кой. Баарыңарды жакшы көрөм. Баары өтүп кетет, башыңарды бийик көтөргүлө», - деп жазылган катта.

Эскерте кетсек, коррупцияга шектелип кармалган УКМКнын мурдагы төрагасы 10-январда өткөн президенттик шайлоодо талапкерлигин койгон.

Булак: NazarNews.kg