1-ноябрына карата мамлекеттик жөлөкпулду алуучулардын жалпы саны 542,6 миң адамды түздү. Бул тууралуу Эмгек жана социалдык өнүктүрүү министрлигинин маалымат кызмаьы билдирди.

Маалыматка ылайык, алардын ичинен “үй-бүлөгө көмөк” - 16 жашка чейинки балдары бар муктаж үй-бүлөлөргө жөлөкпул алуучулардын саны – 330,0 миң адамды түздү. “Социалдык жөлөкпул” - пенсиялык камсыз кылууга укугу жок адамдарга ар айлык жөлөкпул алуучулар – 92,8 миң адамга жетти. Бала төрөлгөндө бир жолку жөлөкпул “балага сүйүнчү” алуучулар – 119,8 миң адамды түздү.

Мамлекеттик жөлөкпулдарды төлөөгө республикалык бюджеттин каражатынан жалпы суммасы 6 млрд 359 млн 400 миң сом акча каражаты каржыланган.

Булак: NazarNews.kg