Кытай медиа корпорациясы (CMG) 31-майда дүйнө жүзү боюнча 1-июнда белгиленүүчү Балдарды коргоонун эл аралык күнүнө карата балдар үчүн жаңы телеберүүлөрдү сунуштады.Бул тууралуу NazarNews маалыматтык агенттигине кытайлык CCTV plus агенттиги билдирди.

Жаш көрүүчүлөргө 48 сааттык видеомарафон тартууланып, анда балдар үчүн концерттер, спорттук беттештер, спектаклдер жана башка телекөрсөтүү көрсөтүлөт.

Кошумчалай кетсек, быйыл Кытай медиа корпорациясы өлкөдөгү билим берүү мекемелери менен тыгыз кызматташа баштады. CMG биринчи жолу 25 башталгыч мектепке мектеп радиостанцияларын ачууга лицензия берди.

Ушундай жол менен студенттер өз таланттарын ачып, мектептеринин ийгилигине көмөктөшүүгө жана медиа адистеринин жана контент жаратуучуларынын кийинки муунун өнүктүрүүгө шыктанышат.

Балдарды коргоонун Эл аралык күнүнө арналган концерт алдын ала тартылып алынган жана бир эле учурда бир нече платформаларда, анын ичинде CCTV-1, CCTV-14, yangshipin.cn жана cctv.com сайттарында бүгүн, 1-июнда Пекин убактысы боюнча саат 20:00дө көрсөтүлөт.

Булак: NazarNews.kg