Кытайдын төрагасы Си Цзиньпин 28-сентябрда Пекинде ЮНЕСКОнун башкы директору Одри Азулай менен жолугушту. Бул тууралуу NazarNews маалыматтык агенттигине кытайлык CCTV plus агенттиги билдирди.

Жолугушууда Си Цзиньпин Кытай менен ЮНЕСКОнун кызматташтыгы чоң мааниге ээ, анткени ал тынчтыкты жана жалпы өнүгүүнү биргелешип өнүктүрүүгө жардам берет деп билдирди.

“Бул жылдар аралыгында Кытай ЮНЕСКОнун ишин ар дайым колдоп келген жана ЮНЕСКО менен биргеликте дүйнөдөгү тынчтыкты коргоо жана глобалдык өнүгүүгө көмөктөшүү үчүн көптөгөн алгылыктуу иштерди жасаган. Кызматташтыктын мындай түрү абдан баалуу жана узак мөөнөттүү сакталышы керек”,-деди Си Цзиньпин.

Дүйнө ар түрдүү цивилизациялардан турат жана Кытай байыркы тарыхы жана бай маданияты бар өлкөлөрдүн бири экенин белгилеп, Си Цзиньпин мурастарды сактоо потенциалын жана деңгээлин тынымсыз жогорулатуу, алмашуу, өз ара билим алуу үчүн ЮНЕСКО менен тыгыз кызматташууга даяр экендигин билдирди. Жана ар турдуу цивилизациялардын ортосундагы инклюзивдуу кызматташтык, бүткүл дүйнөдөгү тынчтыкты коргоо жана жалпы адамзаттын тагдыры менен коомчулукту куруу керектигин айтты.

Си Цзиньпин 1,4 миллиарддан ашык калкы бар Кытайдын эбегейсиз өнүгүүсү адамзат цивилизациясынын прогрессине кошкон маанилүү салым экенин баса белгиледи.

“Кытай ушул кылымдын орто ченине чейин модернизацияланган социалисттик өлкөнү ар тараптан курууга жана кытайлык типтеги модернизациянын жолу менен кытай улутунун улуу кайра жайылышына көмөк көрсөтүүгө умтулуп жатат. Бул максатта Кытай өлкөнү илим жана билим берүү аркылуу жандандыруу стратегиясын карманып, билим берүүнү, илимди, техниканы жана маданиятты өнүктүрүүгө жигердүү көмөктөшөт,  ЮНЕСКО жана башка тараптар менен эл аралык алмашууга жана кызматташууга чоң маани берет”,-деп билдирди Кытай төрагасы.

Одри Азулай өз кезегинде Кытай өкмөтү ЮНЕСКОнун ишине ар дайым чоң маани берип, анын ишин активдүү колдоп келгенин айтты. Андан тышкары, Кытай ЮНЕСКО менен биргеликте кыздардын жана аялдардын билим берүү сыйлыгын негиздеген, бул сыйлык дүйнө жүзү боюнча кыздар менен аялдардын билимин жайылтууда маанилүү роль ойногондугун кошумчалады.

Одри Азуле ЮНЕСКО эки тарап жетишилген көптөгөн маанилүү консенсустарга жана Кытай менен кеңири чөйрөдө жакшы кызматташтыкка канааттангандыгын белгиледи. Ал Кытай менен маданий мурастарды, ошондой эле илим, маданият жана технологияны коргоо, эл аралык өз ара түшүнүшүүнү тереңдетүү жана дүйнөлүк тынчтыкты жана өнүгүүнү коргоого алгылыктуу салым кошуу жаатындагы алмашууну жана кызматташтыкты мындан ары да чыңдоого үмүттөнөрүн билдирди.

Булак: NazarNews.kg