Кедейкандар көбөйдү. Кечээ ким да бүгүн ким деген суроо сопкут болбой калды. Дегеним, баягы, биз айтып келчү Ак-Талаа районунун акими Семетей Черикбаев эки күн мурун эми Нарын районуна аким болуп дайындалды. Аким кезинде Ак-Талааны каалагандай калчап, тендер маселеси менен атагы чыккан бул эргул баарын акча чечет деген логикага таянып алып далай иштерди жасаганы боюнча маалыматтар бар. Колдогон кожосу күчтүүбү?

 Айтор, иттиги артынан «үрүп» жатса да болбой эле улам бир райондун канын сорууга ашыккан бул мырза ушу тапта эч кимди көзгө илбей туру. Черикбаевдин чегирткече секирик жасоосунун артында коррупциялык жол ме­нен топтолгон каражаттар самсаалап чыгып атканын айтышууда. Алыска узабайт го. Ак-Талаанын канын бүргөчө соргон бул эргулду Нарын району башынан сылап олтура береби? Маселе ушунда…

Булак: "Де-Факто"