Чүй облусунун тургунунун үйүнөн баңги лабораториясы табылды. Бул тууралуу КР Ички иштер министрлигинин басма сөз кызматы билдирди.

Кылмышка шектүү делип Чүй облусунун жашоочусу 1960-жылы туулган К.С. кармалды.

Анын үйүнөн бир нече банка жана үч таңгак кургатылган кочкул жашыл түстөгү өзгөчө жыты бар зат табылган. Алынган заттын жалпы салмагы 2,5 кг.

Ошондой эле тыюу салынган заттарды даярдоо, таңгактоо, сатуу жана колдонуу үчүн колдонула турган жабдуулар – электрондук тараза, кайчы, ар бири 100 мл болгон 12 бөтөлкө спирт, скотч, көбүк, баштыктагы бал мому, медициналык скальпель табылган.

Кармалган адам жана чогултулган буюм далилдери Аламүдүн РИИБнин тергөө кызматына өткөрүлүп берилди. Учурда тергөө иштери жүрүп жатат.

Булак: NazarNews.kg