Чүй райондук милициясы балдар интернатына барышты. Бул тууралуу Чүй ОИИББиден билдиришти.

Маалыматка караганда, 1-июнь - Балдарды коргоонун эл аралык күнүнө карата Чүй районунун ички иштер бөлүмүнүн жетекчилиги жана өздүк курамы Жаңы-Жол айылында жайгашкан жетим балдар үчүн мектеп-интернатына барышып, тарбиялануучулардан кабар алышты.

Милиция кызматкерлери балдарды майрамы менен куттуктап, таттууларды тартуулашты. Андан сырткары, акчалай жардам көрсөтүшүп, спорттук жабдыктарды беришти.