Интернетте Өзбекстанда үчүнчү баланын төрөлүшүнө тыюу салынып жатканы тууралуу маалымат тарады. Республиканын бийлиги бул кабарларды четке какты.

«Социалдык тармактарда жана «Telegram» мессенджеринде Сенат бекиткен жаңы мыйзамга ылайык, 2023-жылдан тарта Өзбекстандын жарандарына экиден ашык балалуу болууга тыюу салынат деген маалыматтар тарап жатат. Бул чектөө сакталбаса, айып пул салынат, деген маалымат чындыкка дал келбейт», - деп айтылат билдирүүдө.

Республиканын Мамлекеттик статистика комитетинин маалыматына караганда, жыл башынан бери төрөттүн эң жогорку көрсөткүчү Самарканд облусунда, эң төмөнкү көрсөткүч Сырдарыя облусунда белгиленди.

Жалпысынан быйылкы жылдын январь-май айларында республика боюнча 338 миң 636 бала төрөлгөн.

Булак: NazarNews.kg