Кайсы мамлекет болсо да ошол мамле­кеттин эң орчундуу тармагы бул- социал­дык маселелерди тейлеген тармак. Ал эми биздин араң-жан жашап жаткан Кыргыз Өкмөтүнүн Эмгек жана со­циалдык өнүгүү мини­стрлигин­де эмне деген шум­дуктар бо­луп жатат? Нервди бу­лар кашар­дай кайнат­тыго, эй! Аталган ми­нистирликтин башында турган башчы­сы Таалайгүл Исакунова өткөндө Жогор­ку Кеңеште өзү иштеген министрликтин аппаратында канча кызматкер иштээрин айта албай, анда бир оозубуз ачылган. Жакында болсо Таалайгүлдүн орун баса­ры болуп жүргөн Зуура Каденова деге­ни тигинтип чет өлкөдө -Түштүк Корея­да «кырк жылкысын ышкырта коем деп» кызматтан кетти эле.

Ошого да болбой Зуура айым «жүрөгүм ооруп спирт ко­шулган валидол, корвалол ичип алгам, ошол оозумдан жыттаныптыр, мас эмес болчумун» деп актанып чыкпадыбы. Эми Т. Исакунованын дагы бир орун басары Лунара Мамытова өзү ардагерлер менен иштеген министрликте иштеген жүрүп, Кыргызстандагы орточо пенсия 5401 сом экенин, АКШ $ өсүп,Улуттук валю­та-сом девальвация болгонун, инфляция эң жогорку чекте экенин билбей өзүнүн соц баракчасына төбөдөгү чачты үрпөйт­көндөй пикирин калтырды: « Германия, Бельгия , Турция, Египет, Америка ж.б. өлкөлөргө мен мурун эле барып келген­мин. Министрликке келгенге чейин эле. Өз каражатымдан. Себеби менин деви­зим-Дүнүйө чогултпай, дүйнө кыдыр! Ошондо ички дүнүйөн кеңейет, чоңое­сун, акылына акыл кошулат. 198.5 км 2 жерден (Кыргызстан дегениред.) башка да толтура жер бар. Каткан акчаңды чыгар.

Ооба баягы кара күнгө деген. Андай болбосо кээ бир иштеп жаткан пенси­онерлер пенсиясынан чогулткандай, топтоп, туристтик компаниянын би­рине барып, кыялыңдагы бир мамле­кетке бар. Мен ошондой пенсионер­лерди билем, жыл сайын саякатташат. Жашоо маңызы... Генетикалык кедей­чиликтен арылуу... Эртеңки күн бүгүн башталат»-дептир атындай кооз жа­шоону жакшы көргөн Лунара айым. Кыргызстанда 30 миң сом пенсия алган­дар бардыр мисалы: бир кезде бийликте иштеп ири компанияларга акционер бо­луп алгандар, дагы сандаган паракор ге­нералдар! Бирок калктын 99%, 30 миң сом пенсия алышпасын «саякатчы» казнадан айлык алып, мамлекеттин машинада жүргөн кызматы боюнча дал пенсионер­лерди тейлеген Лунара айым биле бербе­се керек, өзү дал ошол тармакта иштесе да. КР орточо пенсия 5 миң 400 сомду түзөт.

Бул акча улгайып, ден-соолукта­ры начарлаган адамдардын дарысына, коммуналдык төлөмдөргө тамак-ашка өп-чөп жетет же жетпей жакындары­нын жардамыдарына муктаж болуп күн көрүшүүдө. Бул факт жана дагы факт! Мындай жагдайды социалдык минстр­дин орун басары Л. Мамытова эмес ка­рапайым адамдар жакшы билишет. Барыдан да «каткан акчаңды чыгар!» деп улуу муун­дагыларга акыл айтка­ны кызык. Мамлекет­тик кызмат­кердин , бол­гондо да ми­нистридин орун басары­нын деңгээли ушундай экен. Ал эми акча туурасында айтсам ар ким өзү би­лет акчасын кайда сарптаарын. Айтор сөз кылып жаткан министрликтин ичи, тышын молдого дем салдырып койбосо эпкиндеп калгандай. Бир сөз менен ай­тканда Кыргыз Өкмөтүнүн Эмгек жана социалдык өнүгүү министрлигин башка­рып жаткан бул айымдар ээлеген кызма­тына эч ылайыксыз экен! Азыр алардын жоруктарына коомчулук, айрыкча улуу муундун өкүлдөрү жерге түкүрүп жатат.

Ушундайда Жогорку Кеңештин «катар­дагы эле» депутаты, Асылбек Жээнбеков ал кезде спикер болуп турган учурунда андагы өкмөт башчысы бийик тоолуу райондордо жашаган элдердин жөлөк пулдарын жөнү жок жерден алып салуу­га аракет кылганда, Теңир Тоолуктар ызгаарга карабай өкмөттүн ал кадамы­на карата ызырынып көчөгө чыкканда айтканы бар, «элдин социалдык масе­леси менен ойнобош керек, социалдык маселе деген оюнчук эмес» деп. Анын сыңарындай ошол социалдык маселелер менен «ойноп жаткан» Таалайгүл, Луна­ра деген айымдарды “Чык эшикке, эй, чык деп жатам, эшикке!” деп айтышы керек, жогорку бийликтегилер?! Антпе­се мындай «жаралар» эртең элдин чоң нааразычылыгын жаратып коюушу то­лук мүмкүн.

Жолдошбек Токоев

Булак: "Айгай"