Аба майдандын жетекчиси Эмир Чукуевди чукулап атышып араң басылды окшойт. Эми бул бечара эмне кылсын, болгон аракетин кылып жатат дараметине жараша… Биздин айталы дегенибиз башка, эсиңиздерде болсо 2-3 жыл мурун аэропорттон учкан ар бир жүргүнчү үчүн 1000 сомдун тегерегинде акча алуу мыйзамы кабыл алынган. (Ар бир жүргүнчудөн 14-15 доллар)

Андан бери бир топ убакыт өттү, бул боюнча тиешелүү органдар үн катып, маалымат берип койгонго жарай элек азырынча. Биз ушундан улам аэропорттун жетекчиси Чукуевге собол салгыбыз келип туру.

Эмир мырза, акыркы 2-3 жылда канча жүргүнчү учуп, мыйзам боюнча канча акча чогулуп, ал каражат каякка коротулуп жатат? Башкалар чукуй электе жооп берип койсоңуз кантет.

Биз билгенден миллиондогон сомдор эмес, миллиондогон АКШ доллары чогулуп калды көрүнөт. Ал жеке чөнтөккө агып кеткен жокпу?

Булак: “Де-Факто”