www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кечээ, 16-майда Түркиянын Палаталар жана товардык биржалар союзунун (ТОВВ) жетекчиси Рыфат Хисаржыкоглу жетектеген делегация Кыргызстандын Министрлер кабинетинин төрагасы Улукбек Марипов менен жолукту.
Анда Улукбек Марипов кыргыз тарап кыргыз-түрк мамилелерин өнүктүрүүгө өзгөчө маани берерин билдирди.
«Бүгүнкү күндө республика жетекчилигинин артыкчылыктуу милдеттеринин бири катары инвесторлор үчүн шарттарды жакшыртуу болуп саналат. Тилекке каршы, эки өлкө ортосундагы товар жүгүртүү эки тараптуу соода-экономикалык кызматташтыктын реалдуу мүмкүнчүлүгүнө дал келбейт. Жалпы максатка жетишүү үчүн биздин өлкөлөр ириде биргелешкен инфраструктуралык долбоорлорду ишке ашыруусу керек».
Ал эми Рыфат Хисаржыкоглу жетектеген делегация келечекте өлкөдөгү кичи жана ири гидроэлектростанцияларды куруу жаатында кызматташууга даяр экендигин маалымдады.
Түркиялык ишкерлер 14-майда президент Садыр Жапаров жана айрым министрлер менен жолугушкан.
Түрк делегациясынын курамында айыл чарба, текстил жана тамак-аш өнөр жайы, энергетика, туризм, тоо-кен өндүрүү жана курулуш тармактарындагы ири компаниялардын жетекчилери келишти.
Түркиянын Статистика комитетинин маалыматына ылайык 2019-жылга карата Кыргызстан менен Түркиянын ортосунда 519.2 миллион долларга соода жүргүзүлгөн. 2020-жылдын ноябрь айына чейин бул сан 449 миллион долларга жеткен. (ElB/ZKo)
Булак: NazarNews.kg
< Предыдущий
Следующий >
Последние новости
