COVID: Жапония коюлган чектөөлөрдү алып салды

Журналист: МЭЭРИМАЙ АЛЫБЕКОВА

11.10.2022, 10:18

16478

дүйнө жүзүндө

Жапония коронавирустун пандемиясына байланыштуу киргизилген чектөөлөрдүн көбүн алып салды. Эми чет элдиктер кайрадан туристтик топтордун курамында эмес, өлкө боюнча жеке саякаттай алышат. Жапониянын визасыз режими бар өлкөлөрдүн туристтери үчүн виза алуу талабы да жокко чыгарылды, деп билдирет Киодо.

Бизнес жана билим берүү максатында кирүү үчүн коюлган чектөөлөрдүн көбү алынып салынууда. Ошондой эле Жапонияга күнүнө 50 миң адамдын кирүүсүнө чектөө алынып салынды. Мындан тышкары, өлкөгө киргендер үч жолудан кем эмес эмдөөдөн өтсө, милдеттүү түрдө карантин алынып салынды.

Сентябрдын башында жапон бийликтери коронавируска каршы кээ бир чараларды жумшартты: өлкөгө күнүмдүк кирүү лимитин 20,000ден 50,000ге чейин көбөйтүштү, ошондой эле кеминде үч жолу эмдөөдөн өткөн саякатчылар үчүн милдеттүү COVID-19 тестин жокко чыгарышты. .

11-октябрдан тарта туристтердин Японияга кирүүсүнө коюлган чектөөлөрдүн көбү алынып салынганын Япония министрлер кабинетинин башкы катчысы Хирокадзу Мацуно эки жума мурун жарыялаган.

Булак: NazarNews.kg