Ош шаарында 15 миңдей адам чогулду, бир дагы комок талкаланган жок, жыйын арасында музыка коюп, бийлеп дагы коюшту. Бул тууралуу маалыматты белгилүү активист Дайыр Орунбеков өзүнүн Фейсбук баракчасына жазып чыкты.  

Ал өз сөзүндө: "Митинг өткөрүүнүн саясий маданияты ушул. Шаар талкаланса, кайра эле шаардыктардын көйгөйү болмок. Рахмат кечээки тынч митингинин катышуучулары!

Урматтуу Бишкек шаарындагы топтолуп жүргөн жарандар, сураныч сиздер дагы талап-тоноочулук менен алектенбеңиздер. Баштап чыккан лидерлер массаңарды таштап салып, кресло талашпай коопсуздугун карабайсыңарбы. Шаарды талап-тоноп, талкалап бүтүшкөнү калды. Бишкегибиз, сүйүктүү борборубузду мындан ары талкалабагыла! Алганыңар, бузганыңар бары бир буюрбайт", - деди Орунбеков.

Булак: NazarNews.kg