Президенттик шайлоодон кийин мамлекетте кайрадан ызы-чуу болушу күтүлүүдө. Мындай маалыматтар тар чөйрөдө кызуу айтыла баштады. Мындай көрүнүшкө журналист Дайырбек Орунбеков өзүнүн пикирин соцтармакка төмөнкүчө жазып чыкты. 

--Миң жолу бириксеңер деле кеч болуп калды. 5-октябрда ниетине жетпей калгандар эми 11-январга камынышууда. Силерге элдин тагдыры, мамлекеттин стабилдүүлүгү оюнчукпу?!

Кыргызстандагы шайлоо - утуп чыгуунун эмес, шайлоонун жыйынтыгын пайдаланып бийликти басып алуу аракети болот. Атаандаштыктын жүрүшү - келишпес душмандардай кайым айтышуу менен жүрөт. Анан кайдагы өнүгүү болмок эле, жапайычылык...

Саясий максаттары, көз караштары дал келбеген, кайнатса кошулбаган кемпир-чалдар, баягылар биригип алышыптыр. Силерден чарчадык, - дейт Дайырбек Орунбеков. 

Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.

Булак: NazarNews.kg