Бишкек шаарынын Октябрь районунун Социалдык коргоо кызматынан Эрмекти сурап, "жардам беребиз" деп мага байланышканан дарегин берсем, эрте менен келип урушуп кетиптир. 
"Биздин районду уятка калтырдыңар, силер менен дагы эсептешебиз. Эмнеге жаш баланы гүл саттырып жатасыңар!",-деп. 
Урматтуулар, Эрмек силердин балдардай боору бүтүн, ата аман, энеси кашында болгондо мындай кылмак эмес. Арга жоктон ушундай шартка барып жатат. Урушпагыла, андан көрө жардам бергиле!

Айта кетсек, бүгүн, Билим берүү министри Гүлмира Кудайбердиева балдарды коргоо күнүнө карата Эрмектин үйүнө келе турганын билдирди. Буюрса, 1-класска бара турган Эрмекти жакшы мектепке жайгаштырат деп ишенем, деген пикирин билдирди Дайырбек Орунбеков.

Булак: Nazarnews.kg