Сооронбай Жээнбековдо экс-президенттин бардык артыкчылыктары сактап калынышы керек. Мындай пикирин депутат Дастан Бекешев Facebook социалдык тармагындагы баракчасы аркылуу билдирди.

“Эми Сооронбай Жээнбеков экс-президент. Жээнбековдун каталары көп, бирок алар жөнүндө тарых айтат” – дейт Бекешев. 

Бекешевдин сөзүн эч өзгөртүүсүз беребиз:

“Президенттин ишмердигинин кепилдиктери жана экс-президенттин статусу жөнүндө” Мыйзамга ылайык, Сооронбай Жээнбеков төмөнкүлөргө укуктуу:

1) мыйзамдарга ылайык белгиленүүчү эмгек акы;

2) кызматтык туракжай;

3) атайын максаттагы транспорт;

4) атайын кайтаруу;

5) өлкөнүн ичиндеги өкүлчүлүк максаттар үчүн чыгымдарга каражат бөлүү;

6) чет мамлекеттерге барууга байланышкан чыгымдарды жабууга каражат бөлүү;

7) Президентти жана анын үйбүлөсүн атайын медициналык, санаторийлик-курорттук жана тиричилик жагынан тейлөө;

8) мамлекеттик камсыздандыруу;

9) мамлекеттик дача.

“Бирок ошол эле учурда экс-президент саясий ишмердүүлүк менен алектенбеши керек. Сооронбай Жээнбеков жарандардын арасында башын көтөрүп жүрө алат “, – деп жазган ал.

“Башкалар алдыга умтулуп жатканда биздин өлкө артка кетип жатканы өкүндүрөт” – деп кошумчалаган депутат.  

  

Булак: NazarNews.kg