Бүгүн, 24-мартта Жогорку Кеңеште кезексиз жыйын өттү. Анда депутаттар президент Сооронбай Жээнбековдун Бишкек, Ош жана Жалал-Абад шаарларынын, Ош облусунун Ноокат, Кара-Суу райондорунун, ошондой эле Жалал-Абад облусунун Сузак районунун аймактарына өзгөчө абал киргизүү жөнүндөгү кол койгон жарлыктар кабыл алынды.

Депутат Дастан Бекешов 15-апрелге чейин отурум болбосун, бирок, керектүү учурда жыйынды өткөрүүгө уруксат берилиш керектигин айтты.

“Уят эле болуп атпайбызбы. Каникулга кетип, анан өзгөчө абалда чогулуп”,-дейт депутат.

Анда спикер Дастанбек Жумабеков эч ким каникулга кетпегенин айтып, кезексиз жыйындар боло турган болсо, чогулуп жыйын өткөрүлүп турарын билдирди.  

Булак: NazarNews.kg