Мамлекеттик кызматкерлер жана депутаттар жылдык кирешелери, мал-мүлкү тууралуу  жылына декларация толтурушат. Коомчулук алдында жогорку кызматтагы аткаминерлердин кирешесин ачык-айкын көрсөтүлүшү керектигин, мамлекеттик жана муниципалдык жогорку кызматтарда иштеген жетекчилердин жылдык кирешелери тууралуу толтурган декларациясын сактоо мөөнөтүн узартууну президент Алмазбек Атамбаев колдоорун президенттин маалымат катчысы Алмаз Үсөнов билдирди. Анын айтымында, президент декларацияны алты жыл эмес, андан көп убакыт сактоо демилгесин колдойт. «Балким, 25-30 жыл же такыр жок кылбай калтырылышы мүмкүн дегендей. Мамлекеттик кадр кызматы менен Жогорку Кеңеш буга мыйзам түрүндө өзгөртүү киргизсе болот. Ушунун үстүнөн иштейбиз» дейт Алмаз Үсөнов.

Булак: «NazarNews.kg»