Элди упчу эмдирип алдай беребизби? Митингге чыкканга даяр болуп калды. Бул тууралуу депутат Жусупбек Коргонбай уулу бүгүн, 8-июнда Жогорку Кеңештин жыйынында билдирди.

"Кайрадан Ноокат жолунун маселесин көтөрүп жатабыз. Мурдагы сессияда бардык министрлерди чакырганбыз, бирок бул суроолор берилбей калган. Ноокаттын эли дагы, Баткендин эли дагы сабырдуулук менен ушунча күттү. Ачыгын айтайын, азыр эл митингге чыкканга даяр болуп калды. Жол качан башталат? Кышында жазда башталат деп убудаланган. Эми жаз бүтүп жай келди. Транспорт министиринин орун басары күзүндө башталат деп айтыптыр. Элди кайра-кайра эле упчу эмдирип, алдай беребизби? Ушул маселеге тиешелүү көңүл бөлбөсө эл бышып калды", - дейт депутат.

Булак: NazarNews.kg