Жогорку Кеңештин 14-июлдагы отурумунда депутат Чолпон Султанбекова камактагы жаш балалуу жана «кош бойлуу аялдар кандай шартта кармалат?», - деген суроо менен кайрылды.

Кыйноолорду алдын алуу боюнча улуттук борбордун директору Бакыт Рысбеков бул тууралуу мыйзамда жазылышы керектигин айтты.

«Ошондо гана талап кое алабыз», - деди директор. Депутат андан кийин министрлер кабинетинин төрагасынын орун басары Эдил Байсаловго кайрылды.

«Көптөгөн аялдар жеңил берене менен камакта отурат. 20 аялдын ичинен 15 аял балалуу. Сот системасында реформа жүргүзүп, мындай аялдарды эркиндикке чыгарууну же мунапыс колдонуу менен алардын беренсин жеңилдетүүнү сунуштайм», - деди Ч.Султанбекова.

Булак: NazarNews.kg