Жогорку Кеңештин депутаты Жылдыз Мусабекова катуу ооруп реанимацияга түштү. Бул тууралуу анын уулу Кубаныч Аманбеков билдирди.

Маалыматка ылайык, эл өкүлү Бишкек шаарындагы стационарлардын бириндеги жандандыруу бөлүмүнө жаткырылды.

Эске сала кетсек, буга чейин Жылдыз Мусабекова төшөктөн тура албай ооруп жатканын билдирген.

“Жөтөл, сасык тумоо жок. Болгону башым ооруп, сай-сөөгүм сыздатып, өз алдынча басуу кыйын болуп жатат. Башкалар сыяктуу эле "Тез жардам" жок, үйгө чакырсаң эч бир дарыгер келбейт. Өзүм басып барганга шай жок”, - деген депутат “Элдик ыктыярчылар” тобундагы медиктерден жардам сурап кайрылган.

Булак: NazarNews.kg