Депутаттар Баткенде көчмө жыйын өткөрөт

Журналист: ЖАҢЫЛ СТАЛКЕРИМОВА

03.02.2022, 15:22

29692

коом

«Ынтымак» жана «Ишеним» фракциялары 5-февралда Баткен облусунда көчмө жыйын өткөрөт. Бул тууралуу парламенттин басма сөз кызматы билдирди.

Отурумдун күн тартиби:

1. «Кыргыз Республикасынын Баткен облусунун статусу жөнүндө» Кыргыз Республикасынын мыйзамынын аткарылышы.

Баяндамачы: Президенттин Баткен облусундагы ыйгарым укуктуу өкүлү Алимбаев Абдикарим Карбекович.

2. Тажикстан Республикасы менен чек арада 2021-жылдын апрелинде болуп өткөн аскердик кагылышуунун кесепеттерин жоюу боюнча калыбына келтирүү жумуштарынын жүрүшү жана андан аркы эскалацияга жол бербөө маселеси.

Баяндамачы: Президенттин Баткен облусундагы ыйгарым укуктуу өкүлү Алимбаев Абдикарим Карбекович.

3. Тажикстан Республикасы менен чектеш аймактардагы кырдаал.

Баяндамачылар: Президенттин Баткен облусундагы ыйгарым укуктуу өкүлү Алимбаев Абдикарим Карбекович, УКМКнын өкүлү;

4. Ош облусунун Ноокат райондагы капиталдык оңдоп-түзөөгө муктаж айрым унаа жолдорго байланыштуу маалымат.

Баяндамачы: Транcпорт жана коммуникациялар министрлиги;

5. Бишкек – Исфана - Бишкек каттамы боюнча түз авиабайланыштар.

Баяндамачы: Транcпорт жана коммуникациялар министрлиги.

Булак: NazarNews.kg