Батыш киргизген санкциялар мезгилинде Орусия эч кимге таяна албайт, өлкөнүн бийлиги өнөр жайды жана башка тармактарды өнүктүрүү көйгөйлөрүн өздөрү чечиши керек, деп билдирди РФнын Коопсуздук кеңешинин төрагасынын орун басары Дмитрий Медведев РИА Новости менен болгон маегинде.

«Ушундай кырдаалда өкмөттөгү кесиптештер ата мекендик өнөр жайды, анын ичинде авиациялык өнөр жайды, автомобиль өнөр жайын жана микроэлектроника жана IT-технологиялар тармагын өнүктүрүүгө түрткү берүү үчүн адекваттуу чечимдерди таба алышат деп ишенем. Биз үчүн бул көйгөйлөрдү дагы эле чечүүгө туура келет. Эми чечиш кыйыныраак болот, бирок, экинчи жагынан, биз эч кимден үмүтүбүз жок. Мындай учурда бул көйгөйлөрдү өзүбүз гана чечүүгө аргасыз болобуз», -деди Медведев.

Буга чейин бир катар Батыш өлкөлөрү Украинанын айынан Россия Федерациясына каршы жаңы санкцияларды киргизген. Россия Федерациясынын президентинин басма сөз катчысы Дмитрий Песковдун айтымында, Батыштын санкциялары өтө олуттуу, Орусия аларга алдын ала даярданган.

Ал кошумчалагандай, алар Россия Федерациясынын кызыкчылыктарына жооп берген чараларын иштеп чыгуу үчүн бөлүмдөрдүн талдоосун жана координациясын талап кылат.

Эске салсак, Орусия Украинага каршы согушту 24-февралда баштаган. Путин анын максаты «сегиз жылдан бери Киев режиминин басмырлоосуна, геноцидине кабылып келгендерди коргоо» жана бул үчүн «Украинаны демилитаризация жана денацификация» жасап жана Донбасстагы «жай жашоочулардын канына забын болгондорду» аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Булак: NazarNews.kg