Бишкек — Нарын — Торугарт жолунун 296-297-чакырымында, тактап айтканда, Долон ашуусуна көчкү түшкөндүктөн жол убактылуу жабылды. Бул туурасында Нарын облустук ички иштер башкармалыгынын маалымат кызматы билдирди.

Кар бүгүн болжол менен саат 10:00дө көчкөн.

Нарын ОИИБинин жол кыймылынын коопсуздугун камсыз кылуу бөлүмү Бишкек — Нарын жана Нарын — Бишкек багытындагы автоунаалардын айдоочуларына түшүндүрүү иштерин жүргүзүүдө.

"Азыркы учурдагы жолдун жогорудагы аталган бөлүгүнө убактылуу чектөөлөр киргизилди", — деп кабарланган маалыматта. Ал кызматтан зарылдык болсо кошумча маалымат берип турушарын кошумчалады.

Булак: NazarNews.kg