Грузиянын бийликтери өлкөдө мамлекеттик төңкөрүштү болтурбоо үчүн мүмкүнчүлүктөрдү сактап калууда. Мындай пикирин КМШ өлкөлөрү институтунун директорунун орун басары Владимир Жарихин ишембиде ТАСС агенттигине берген маегинде билдирди.

"Чындыгында Грузиянын азыркы өкмөтүндө төңкөрүштү болтурбоо үчүн бардык мүмкүнчүлүктөр бар. Бирок ал бул укукту, атүгүл милдеттенмесин колдонобу деген суроо, бул акыркы жыйынтыкка байланыштуу болгон маселе", - деди ал.

Жарихиндин айтымында, Грузиядагы окуялардын мындан аркы өнүгүшү көбүн эсе өлкөнүн азыркы өкмөтүнүн жүрүм-турумуна, анын канчалык чечкиндүү иш-аракет кыларына жараша болот.

"Экинчиден, анын канчалык деңгээлде тышкы күчтөргө, биринчи кезекте АКШга көз карандылыгы боюнча. Анткени бул түстүү революциялардын баары өлкө лидерлери тышкы күчтөрдүн коркутуусунан улам келип чыгат", - деп белгиледи эксперт.

Ошол эле маалда эксперт белгилегендей, азыркы өкмөттүн ал өзү сунуштаган нааразычылыктарды жараткан чет элдик агенттер боюнча мыйзам долбоорун талкуудан алып салуу чечими кооптондурган жагдай, анткени бул өлкө бийлиги тышкы күчтөрдүн таасиринен көз карандылыгы боюнча кабар бериши мүмкүн.

Тбилисиде 7-8-мартта парламент чет элдик агенттер жөнүндөгү мыйзам долбоорунун грузин версиясын биринчи окууда кабыл алгандан кийин миңдеген нааразылык акциялары өттү. Митингдердин жүрүшүндө полиция суу аткычтарды жана көздөн жаш агызуучу газды колдонду. Эки күнгө созулган нааразылык акцияларында 130дан ашуун адам кармалган. 9-мартта эртең менен баш калаада болгон тополоңдон кийин бийликтеги “Грузин кыялы – Демократиялык Грузия” партиясы мыйзам долбоорун чакыртып алуу чечимине келип, 10-мартта депутаттар демилгеге каршы добуш беришти. Буга чейин грузин тилине альтернатива катары парламентте катталган америкалык версия биринчи окууга жетпей кайра чакыртып алынган.

Булак: NazarNews.kg