Франциясынын бир нече шаарында элдик толкундоолор күч алды. Бул тууралуу чет элдик маалымат каражаттары жазып чыгышты.

Бүгүн, 11-мартта  Париждеги "Республика" аянтынан пенсия курагын көтөрүүгө каршы акциясы башталды. Маалым болгондой, акцияга он миңдеген адамдар катышууда.

Пенсия реформасына каршы демонстранттардын ортосунда кагылышуу болуп, укук коргоо кызматкерлери чогулган элди таяк менен артка сүрүп чыгышты.

Демонстранттардын арасында алдыңкы профсоюздардын өкүлдөрү, транспорттун, энергетиканын, өнөр жайдын жана башка тармактардын кызматкерлери, медицина кызматкерлери, мугалимдер, жаштар жана студенттер, “желтые жилеты” кыймылынын жактоочулары, ошондой эле радикалдык “black bloc” жаштары бар.

Радикалдар полицияга бөтөлкө ыргытып, алар тарапка петардаларды агызганга чейин акция тынч өтүп жаткан. Тартип сакчылары көздөн жаш агызуучу газ колдонушкан. Ушул тапта Бастилия аянтында демонстранттар менен полиция кызматкерлеринин ортосунда кагылышуулар болду. Полиция миңдеген элди артка кайтарууга аракет кылууда: союлдар жана көздөн жаш агызуучу газ колдонулууда. Аянтта митингчилердин саны көбөйүүдө. Жалпы өлкө боюнча 230 нааразылык акциясы пландалууда. SNCF улуттук темир жол компаниясынын поезддеринин кыймылы катуу үзгүлтүккө учурады, Париждин Орли аэропортунда каттамдардын 20%га жакыны токтотулду.

Белгилей кетсек, Франциянын премьер-министри Элизабет Борн 10-январда өлкөнүн пенсия курагын көтөрүү жана бир катар оор кесиптер үчүн “өзгөчө” режимдерди жоюу боюнча мыйзам долбоорун сунуштаган. Анын айтымында, бийлик 2023-жылдын 1-сентябрынан тарта өлкөдө пенсия курагын жылына үч айга көтөрө баштайт. Ошентип, 2030-жылга чейин ал 64 жашка чейин жетет.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от NazarNews.org (@nazarnews_org)

Булак: NazarNews.kg