www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Жогорку Кеңештин мурдагы депутаты, мурдагы вице-премьер-министр Элвира Сурабалдиева 2020-жылдын октябрь айындагы окуялар боюнча суракка алынды. Бул тууралуу Сурабалдиева өзү социалдык тармактагы баракчасына жазды.
«Эмне жөнүндө сурашты? Менин октябрдагы окуялар боюнча көз карашымды. Тиешелүү органдарда, прессада аудио, видеолор жана ошол күндөрү жүргүзгөн түз эфирлерим бар болгондуктан кошумча эч нерсе деле айта алган жокмун. Жөн гана ошол күндөрү жасаган аракеттеримди жана айткан сөздөрүмдү тастыктадым», - деп жазды Сурабалдиева.
Ал бул айда эки жолу суракка чакырылганын, 10-июнда 2017-жылы ноябрь айында Суу кодексине киргизилген өзгөртүүлөр боюнча прокуратурага суракка барганын кошумчалады.
«Курамына УКМКнын, ИИМдин жана Башкы прокуратуранын кызматкерлери кирген жумушчу топтор бар. Алар Кумтөр боюнча мыйзам долбоорлоруна тиешеси бар Жогорку Кеңештин 5-6-чакырылышындагы депутаттарды, ошондой эле мурдагы чиновниктерди суракка чакырып жатышат», - деди мурдагы депутат.
Булак: NazarNews.kg
< Предыдущий
Следующий >
Последние новости
