Эмгек, социалдык камсыздоо жана миграция министрлиги Кыргызстанда муктаж жарандар тууралуу маалыматтарды түзүү боюнча жигердүү иштеп жатат. Бул тууралуу ведомствонун басма сөз кызматы билдирет.

Маалыматка ылайык, аз камсыз болгон жарандар боюнча маалыматтарды түзүү иштери жергиликтүү өзүн өзү башкаруу органдары жана "Инфоком" мамлекеттик ишканасы менен биргеликте Кыргызстанда тилектештик борборунун техникалык колдоосу менен жүргүзүлүүдө.

Аз камсыз болгон үй-бүлөлөр жөнүндө маалыматтар үй-бүлөнүн курамы, байлыгы жана үй-бүлө мүчөлөрүнүн социалдык кызматтарга жетүү мүмкүнчүлүгү жөнүндө маалымат берет.

Мындай маалыматтын болушу социалдык колдоого эң муктаж жарандарды, анын ичинде майыптыг бар адамдарды аныктоого, алардын даректүү социалдык жардам көрсөтүүдөгү муктаждыктарын баалоого жардам берет.

Майыптыгы бар адамдарга карата алардын муктаждыктары жөнүндө маалымат аймактар боюнча да, республика боюнча да алардын статистикалык эсебин өркүндөтөт жана алардын жашоо шарттарын жакшыртуу боюнча өз убагында чара көрүүгө, ошондой эле алардын кызыкчылыктарын эске алуу менен аймактар боюнча да билим алуусун жана эмгекке болгон укуктарын ишке ашырууну жакшыртат.

Социалдык колдоого муктаж үй-бүлөлөр жөнүндө маалыматтар кызыкдар мамлекеттик органдар, жергиликтүү өз алдынча башкаруу органдары тарабынан калктын ар кандай топторун колдоо көрсөтүүдө жана социалдык жактан коргоо программаларын иштеп чыгууда чечимдерди кабыл алуу үчүн пайдаланылышы мүмкүн.

Булак: NazarNews.kg